Umukino wahuje Mike Tayson  na Jake Paul  watumye umuraperi  Drake ahomba akayabo.

Umuraperi Drake udakunze guhirwa n’imikono y’amahirwe, yongeye guhomba nyuma y’uko yari yashese amafaranga menshi mu mukino w’iteramakofi waraye uhuje Mike Tyson na Jake Paul.

Drake yari yateretseho amadorali $335,000 asaga miliyoni 400 Rwf avuga ko Tayson aza gukubita ibipfunsi Jake Paul, nyamara byarangiye Tayson atsinzwe

Drake yagombaga kwegukana angana na miliyoni $1 arenga miliyari 1 Rwf, ariko birangira Jake Paul ari we utsinze.

Uyu ni umukino wabereye muri AT&T Stadium Arlington i Texas muri Leta Zunze z’Amerika, imbere y’abafana barenga ibihumbi 70.

Ni umukino wagiye wimurwa kuko wari kuba muri Gicurasi, wimurimurwa muri Nyakanga, ariko nabwo birangira byanze ushyirwa ku wa 15 Ugushyingo 2024.

Wari umukino wa nyuma kuri Tyson w’imyaka 58 washaga gusezera uyu mukino akubise Jake Paul w’imyaka 27 ariko birangira bitamukundiye.

Uyu mukino warebwe n’ibyamamare bitandukanye birimo umukambwe Jimmy Carter wabaye Perezida wa 39 wa Leta Zunze Ubumwe z’Amerika.