Ntibisazwe: Umuhanzi Mike Kayihura afite inzozi zo kuba umutoza w’umupira w’amaguru.

Mike Kayihura, umuhanzi ukomeye mu karere k’Ibiyaga Bigari, wamenyekanye cyane mu ndirimbo nka “Sabrina” yakoranye na Kivumbi King na Dany Beats, “Jaribu,” “Tuza,” “Zuba,” na “Anytime,” yatangaje ko afite inzozi zo kuba umutoza w’umupira w’amaguru.

Ibi yabitangarije mu kiganiro Kigali In The Morning cyabereye kuri Radio Royal FM, aho yari atumiyemo umunyamakuru mu gace ka Friday Office Party. Aha, yavuze ko akunda cyane umukino w’umupira w’amaguru ndetse ko ari umufana ukomeye wa Arsenal. Yongeyeho ko afite inzozi zo kuzaba umutoza w’ikipe y’umupira w’amaguru mu gihe kizaza.

Mike kandi yavuze ko ubuhanga bwe mu gucuranga ibikoresho bya muzika nka Piano bushingiye ku buzima bwe bwabereye mu rusengero, aho yagiriye amahirwe yo kwiga muzika kuva mu bwana bwe.