Tour du Rwanda 2025: Menya ahantu nyaburanga haza kunyura amagare mu gace ka Gatanu.

Tour du Rwanda 2025 irakomeza kuri uyu wa Gatanu, hakinwa agace ka gatanu kazatangirira mu mujyi wa Rusizi kagasorezwa i Huye, ku ntera y’ibilometero 144. Aka ni kamwe mu duce dufite uburebure buri hejuru muri iri rushanwa, kandi kitezweho gutanga ishusho nyayo y’imbaraga z’abakinnyi mu guhangana n’imisozi ihanamye ya Nyungwe.

Baranyura mu nzira irimo ubukerarugendo n’amateka

Uru rugendo ruranyura  mu mihanda y’icyaro izenguruka Pariki ya Nyungwe, hamwe haba inyamaswa n'ibimera bitangaje birinda ishusho yihariye y’Ubwiza bw’u Rwanda. Abakinnyi baragenda banyura mu mirambi y’icyayi n’amashyamba meza, aha hantu hakunze gushimwa n’abasura u Rwanda kubera umwuka mwiza w’ubukerarugendo.