Shampiyona y’u Rwanda yagarutse: APR FC iracakirana na Gasogi United, Rayon Sports na Bugesera FC.

Kuri uyu wakabiri tariki ya 15 Ukwakira 2024, hateranye inama yahuje abayobozi b’amakipe akina Shampiyona y’icyiciro cya mbere mu Rwanda n’ubuyobozi bwa Rwanda Premier League Board ishizwe gutegura iri rushanwa, hemezwa ko Shampiyona igomba gukinywa hakomeza umunsi wayo wa Gatandatu.

Iyi nama yateranye kugira ngo barebere hamwe uko imikino yakomeza hadakomeje kubamo imikino myinshi y’ibirarane bitewe no n’imyiteguro y’ikipe y’igihugu Amavubi.

Nyuma yo kungurana ibitekerezo ku mpande zombi, hemejwe ko Shampiyona igomba  gukinwa uhereye ku ya 19 Ukwakira 2024.

Shampiyona iragaruka muri  iyi weekend tariki ya 19 na 20 Ukwakia 2024, APR FC icakirana na Gasogi United, Rayon Sports ihura na Bugesera FC, ku Cyumweru tariki ya 20 Ukwakira, Musanze FC izakina na Mukura VS.

Imikino y’ibirarane yo izashakirwa undi munsi. Kugeza ubu Police FC ni yo  iyoboye urutonde rwa Shampiyona by’agateganyo n’amanota 11.

Nsengimana Donatien.