Igitima kiradiha ku mutoza wa Arsenal  Mikel Arteta  mbere y’umukino uzabahuza na  Liverpool.

Mikel Arteta yavuze ko imvune zamwibasiye cyane uyu mwaka ndetse ngo zishobora gutuma atitwara neza imbere ya Liverpool muri weekendi.

Ni umukino uzaba ku cyumweru  tariki ya 27Ukwakira 2024 saa kumi ne byiri ni gice ku kibuga Emirates Stadium aho ikipe ya Arsenal izakira Liverpool iyoboye urutonde rwa shampiyona by’agateganyo.

Liverpool iheruka gutsinda ikipe ya Chelsea muri weekend ishize ihita ifata umwanya wa mbere na manota 21 naho ikipe ya Arsenal yo yatsinzwe na Bournemouth bibiri ku busa.

Umutoza Mikel Arteta utoza ikipe ya Arsenal yatangiye uyu mwaka w’imikino afite intego yo gutwara igikombe cya shampiyona nyuma yuko amaze imyaka ibiri agwa munege za Manchester city.

Kugeza ubu ikipe ya Arsenal  iri kumwanya wa gatatu na amanota 17 aho irushwa na Liverpool yambere amanota ane kuko.

Mbere yuko uyu mukino uba Umutoza wa Arsenal Mikel Arteta yavuze ko uyu mwaka imvune zitamubaniye kuko yagiye avunikisha abakinnyi ngenderwaho barimo Bukayo Saka wavunikiye mu ikipe y’igihugu,Martin Odegard kapiteni nawe wavunikiye mu ikipe y’igihugu ,Tekehiro Tomiyasu ,Jurein Timber, Keiran Tierney na Ricard Calafiori waraye avunukiye mu mukino wa Champions League ubwo bakinaga na Shaktar Donetsk.