Rubavu:Umusore utwara abagenzi ku igare yasanzwe mu muhanda yapfuye 

Mu gitondo cyo kuri wa uyu wa Gatatu tariki ya 19 Kamena mu Murenge wa Nyamyumba mu Kagali ka Rubona mu Mudugudu wa Bunyago habonetse umurambo w'umusore wari ugeretseho igare bigakekwako yaba yishwe.

Abaturage batuye muri ako gace bavuze ko uwo musore yari asanzwe akora akazi ko gutwara abantu n'ibintu ku igare (umunyonzi) ariko bakaba bari basanzwe bamukekaho kuba ari umujura, bakaba bakeka ko yaba yishwe na bagenzi be kubera ibyo batumvikanyeho.

Amakuru y'uru rupfu yamenyekanye mu gitondo cyo kuri uyu wa gatatu ahagana saa kumi n'ebyiri za mu gitondo ubwo abaturage bari bagiye mu mirimo yabo abibonye bahita batanga Amakuru ku bayobozi.

Umunyamabanga Nshingwabikorwa w'Umurenge wa Nyamyumba Nkurunziza Faustin yemeje Aya makuru avuga ko nabo bamenye ayo makuru mu gitondo cyo kuri uyu wa gatatu bahita babimenyesha inzego zishinzwe umutekano ndetse n'inzego zishinzwe iperereza.

Amakuru yamenyekanye nyuma yo gushakisha amakuru kuri uyu murambo avuga ko uyu musore yitwa Nshimiyimana Jackson

Yakomeje avuga ko urwego rw'igihugu rw'ubugenzacyaha RIB rwahise rutangira iperereza kugirango hamenyekane icyateye uru rupfu.

Gitifu Faustin yamaze impungenge abaturage bavuga ko muri uyu muhanda hateye ubwoba kuhanyura nijiro ababwira ko hari gutekerezwa uburyo bwo kuwushiramo amatara.