Rayon Sports yasinyishije umuzamu waciye impaka mu Burundi 

Kuri uyu wa Kabiri tariki ya 2 Nyakanga 2024,Rayon Sports yasinyishije umukinnyi wo mu gihugu cy'u Burundi Ndikuriyo Patient usanzwe akinira Amagaju FC.

Ndikuriyo yasinyiye Rayon Sports nyuma yo kumara umwaka wose ariwe munyezamu wa mbere mu Amagaju FC yafashije kuguma mu Cyiciro cya Mbere yagarutsemo mu mwaka wa 2023/2024.

Ndikuriyo Patient ni umukinnyi w'umuhanga kuko mbere yuko aza gukina muri shampiyona y'u Rwanda yari yatowe nk'umunyezamu wa mbere muri shampiyona yo mu gihugu cy'u Burundi.

Rayon Sports yamaze gusinyisha abandi bakinnyi barimo Abdul Rahman Rukundo wakinanaga n’uyu munyezamu, Richard Ndayishimiye wari uwa Muhazi United, Fitina Omborenga wavuye muri APR FC, Niyonzima Olivier ‘Seif’ wari muri Kiyovu Sports ndetse inongerera amasezerano Ishimwe Ganijuru Elie.