Nyanza:RIB yataye muri yombi umuyobozi w'ishuri ucyekwaho kwiba ibiryo by'abayeshuri

Mu Karere ka Nyanza mu Murenge wa Mukingo haravugwa inkuru y'umuyobozi n'umuzamu w'ishuri batawe muri yombi bakekwaho kwiba ibiribwa by'abanyeshuri .

Amakuru avuga ko aba bombi bakoreraga ikigo cy'amashuri abanza cya Nyakabuye mu Karere ka Nyanza, aba  bafashwe mu masaha akuze  yo ku wa kabiri tariki ya 24 Kamena.

Uyu muyobozi witwa Jean de Dieu n’umusaza w’imyaka 62 warindaga iryo shuri, nibo bakurikiranyweho iki cyaha.

Amakuru avuga ko uwo musaza akimara kubyiba yahise abijyanira umucuruzi wo muri ako gace. Akimara gufatwa n’Urwego rw’Ubugenzacyaha RIB, yavuze ko umuyobozi w’ishuri ariwe ngo wamwohereje kuko ngo n’urufunguzo rw’ahabikwa ibyo biribwa yaruhawe n’umuyobozi w’ikigo.

Amakuru avuga ko uwo muzamu yafatanywe umufuka w’umuceri, umufuka w’akawunga n’ibindi.

RIB yahise ifata uwo muyobozi w’iki kigo, n’umuzamu ndetse n’uwo mucuruzi.