Uwari warasezeye burundu muri Ruhago agiye kuba Umunyezamu  wa mbere wa FC  Barcelona.

Ni nyuma yuko ikipe ya FC Barcelona  ivunikishije  Umunyezamu wayo wa mbere   mu mukino bakinnye  ku wa  22 Nzeri 2024,  hari mu mukino w’umunsi  wa gatandatu wa Shampiyona ya Espangne, ubwo  FC Barcelona  yatsindaga Villarreal FC ibitego  bitanu.

Muri uyu mukino  ni ho  havunikiyemo Umunyezamu  wa FC Barcelona  Marc Andre ter Stegen  nyuma yo guterwa umupira  akawusamira mu kirere akamanuka nabi  akitura hasi, ibi byamuviriyemo   kuvunika mu ivi birangira banamusohoye mu kibuga.

Inzobere mu kuvura imvune z’abakinnyi zatangaje ko   Marc Andre ter Stegen azamara hanze igihe kinini  kiri hagati y’amezi arindwi  n’umunani atagaragara mu kibuga kubera ko imvune yagize  yo kuvunika mu ivi ari imvune ikomeye cyane bityo ko agomba ku mara hanze ibyumweru byinshi kugirango yitabweho, ibi bikaba byaratumye  FC Barcelona  ijya kugitutu itangira gushaka  Umunyezamu ukomeye  wamusimbura.

Kugeza ubu FC Barcelona  ikaba imaze  kumvikana na Wajciech Szczesny  ko azayikinira igihe cy’umwaka umwe  nk’umukinnyi wayo.  Uyu munyezamu  wari warasezeye  burundu  gukina  nkuwabigize umwuga, kugeza ubu afite imyaka y’amavuko 34 akaba  afite amamoko muri Poland.

Umunyamakuru ukomeye Fabrizio  Romano  yameneye amakuru avuga ko  ikipe ya FC Barcelona  yamaze kumvikana na Wajciech Szczesny   wari warasezeye kuri ruhago  ko agiye kuyisinyira amasezereno y’umwaka umwe  nk’umukinnyi wayo.

Wajciech Szczesny   yanyuze mu makipe menshi atandukanya harimo  Arsenal, Brentford, As Roma na Juventus  akaba ari nay o yakiniye mbwa nyuma  ubundi agahita amanika inkweto.

Nsengimana Donatien.