Mu gihe Hezballah yari yiteze  agahenge, Israel yo yiteguye gukomeza kugaba ibitero biremereye.

Benjamini Netanyahu  wa Israel yabwiye igisirikare cy’iki gihugu gukomeza kurwanya n’ingufu zayo  zose inyeshyamba z’umutwe witwaje intwaro wa Hezbollah, n’ubwo Amerika n’ibindi  bihugu bikomeye  bari basabye ko bahagarika imirwano, bagatanga agahenge  k’iminsi mike.

 Ku wa Kane w’iki cyumweru Minisiteri y’ubuzima yatangaje ko abantu 92 baguye mu bitero by’indege bya Israel mu gihe abandi  batagira ingano  bamaze kwicwa kuva ibitero byafata intera ku wa Mbere w’iki cyumweru.

Uyu mutwe wa Hezbollah wemeje ko igitero cy’indege cyagabwe ku nyubako y’igorofa mu majyepfo ya Beirut cyahitanye umuyobozi w’ishami ry’indege zitagira abapilote, Mohammad Surur.

Nyuma yo kwiyongera kw’ibitero  bikomeje  kugabwa kuri Liban kuva  ku wa mbere  w’iki cyumweru, ubwoba bw’intambara  bwatangiye kuba bwinshi hagati ya Israel na Hezbollah nk’uko  ibinyamakuru  bitandukanye bikomeza kubitangaza.

Ibihugu 12 birimo Amerika, u Bwongereza n’Ubumwe bw’u Burayi risaba agahenge k’ibyumweru bitatu hagati ya Israel na Hezbollah ibi bihugu bikaba byarasabye aka gahenge ku wa Gatatu, ariko ntikubahirijwe.