Makoma yagarutse mu Muziki nyuma y’imyaka 21: Igitaramo gikomeye i Paris n’Album nshya

Itsinda ry’umuziki wa gospel ‘Makoma’ ryamenyekanye cyane mu myaka yashize ku ndirimbo zo kuramya no guhimbaza Imana, ryatangaje abakunzi baryo nyuma y’imyaka 21 ritaboneka. Kuva ryatangira gukora muzika mu 1992, ‘Makoma’ yabaye ikimenyabose ku rwego mpuzamahanga mu 1999 ubwo yasohoraga album yabo yitwa Nzambe Na Bomoyi. Iyi album yashimangiye izina ryabo kubera indirimbo nka Napesi na Natamboli, zatumye bagira abafana benshi mu bihugu bitandukanye, cyane cyane muri Repubulika Iharanira Demokarasi ya Congo no ku rwego mpuzamahanga.

Nyuma y’imyaka itari mike, aho bamwe mu bagize itsinda batandukanye, cyane cyane umwe wari aririmbamo wahisemo gukomeza gukora muzika ku giti cye, ‘Makoma’ yagiye isiga indirimbo zakunzwe cyane nka Butu na Moyi na Mokonzi. Ibi byatumye abakunzi b’iri tsinda bakomeza kurikunda ndetse bagategereza iby’ahazaza byaryo.

Kuri ubu, itsinda ‘Makoma’ ryatangaje ko ryiteguye kugaruka mu muziki nyuma y’imyaka 21. Iyi comeback izatangirira ku gitaramo gikomeye kizabera i Paris, mu Bufaransa, ku itariki ya 24 Ukwakira 2025, aho bazakorera igitaramo muri stade ya Le Dome De Paris. Amakuru avuga ko ari igitaramo gikomeye kizitabirwa n’abafana benshi, biturutse ku rukundo rwinshi abakunzi ba ‘Makoma’ bafite muri uyu muryango w’abahanzi.

Ikindi kintu cy’ingenzi ni uko ‘Makoma’ iri gutunganya album nshya ishobora gusohoka mbere y’uko iki gitaramo kiba, ibyo bikaba byatunguye abakunzi b’iri tsinda. Kwiyongera kw’imbaraga mu gukora umuziki wa gospel, bazwiho gutanga ubutumwa bwiza kandi bukomeye, biratanga ibyiringiro ko iyi comeback izaba ifite igisobanuro gikomeye mu rwego rw’umuziki.

Igitaramo kizaba muri Le Dome De Paris kiri gushimangirwa n’umunezero w’abafana batari bake bifuza kubona ‘Makoma’ ikora ibitaramo nka byo nyuma y’imyaka myinshi. Iri tsinda, rizwi mu njyana za Pop, R&B na Rap, riri kwerekeza ku izina rikomeye mu muziki, rikaba rizagaragaza impano zahoze ziteye imbere.

Nk’uko bimeze, abakunzi b’itsinda ‘Makoma’ bakomeje kwizera ko iyi comeback izaba iy’akataraboneka kandi ikomeza umusingi w’ibihe byiza by’umuziki wa gospel, wubatswe ku ndirimbo zihimbaza Imana n’ubutumwa bwiza.