Kayonza:Batandatu bafashwe bakekwaho kwica uwo bafatanye ihene yabo

Ku wa Kane tariki ya 06 Kamena 2024 Abaturage  batandatu bo mu Karere ka Kayonza batawe muri yombi bazira gukubita mugenzi wabo bafashe yibibye ihene baramukubita bamugira intere nyuma aza gushiramo umwuka .

Ibyo byabereye mu Mudugudu wa Kiyovu mu Kagali ka Musumba mu Murenge wa Nyamirama.

Umukozi ushinzwe imari n'ubutegetsi uyobora Umurenge wa Nyamirama muri ki gihe Nyirakanazi Chritsine yatangaje ko kugeza ubu abamaze gutabwa muri yombi ari batandatu bazira kugira uruhare mu gukubita uwo bakekaho kubiba ihene bikamuviramo urupfu.

Ati"Ni  abaturage bafashe mugenzi wabo baramukubita bimuviramo urupfu, bamukubise ejo hashize yapfuye mu ijoro ryakeye,Amakuru baduhaye ni uko bamufashe yabibye ihene aho kumushyikiriza inzego z'umutekano baramukubita  bamugira intere.

Nyirakanazi  yavuze ko hamaze gufatwa batandatu mu gihe abakekwa bose hamwe ari 11. Abatawe muri yombi bafungiye kuri Sitasiyo ya RIB ya Nyamirama.