Israel imaze kwivugana abasirikare ba Hezbollah  babarirwa muri 250.

Mu ntangiriro z’iki cyumweru ni bwo ingabo za Israel zagabye ibitero biremereye, aho zabigabye ku birindiro bya Hezbollah.

Uyu mutwe uherereye mu majyepfo ya Liban, Israel yagabye yo ibyo bitero mu rwego rwo gusenya ibikorwa remezo bya gisirikare byawo.

Ingabo za Israel zikaba zimaze gutangaza ko zimaze kwivugana abarwanyi bo mu mutwe wa Hezbollah babarirwa muri 250, nyuma yo kuwugabaho ibitero simusiga byo kuwurimbura burundu ku butaka bwa Liban.

Israel ivuga ko mu nyeshyamba za Hezbollah 250 yivuganye, ko hariharimo 21 bari abayobozi b’ingenzi  muri uyu mutwe.

Abo 21 na bo bari barimo 3 bo ku rwego rwa brigade, 10 bari ku rwego rwo kuyobora company na 6 bo ku rwego rwa platoon. Aba bose bari bafitiye akamaro gakomeye uyu mutwe wa Hezbollah ku rugamba.

Igisirikare cya Israel cyo kivuga ko kimaze gutakaza ingabo 9 bonyine  baguye mu ntambara yabahuje na Hezbollah.

Donatien Nsengimana.