Ibikomeje gukorwa n'inyeshyamba za ADF muri DRC byarenze uruvugiro
Umutwe w'inyeshyamba wa ADF ukorera mu mashyamba ya Repubulika Iharanira Demukarasi ya Congo muri uku kwezi uri gukora ibikorwa ndengakamere byo kwica abaturage aho habarurwa abarenga 150 uyu mutwe umaze kwica kuva uku kwezi kwatangira.
Paluku Sebastien ukuriye Sosiyeti Sivile ya Kambau mu gace ka Kibasiwe, yabwiye itangazamakuru ko ADF iri kwibasira abatuye muri Kivu ya Ruguru.
Ati"Tuributsa abategetsi b'Intara ya Kivu ya Ruguru yose ko turi kwigarurirwa n'abanzi kandi Aka karere kacu ariko kari gasigaye gahumeka amahoro."
Muri iyi minsi inyeshyamba z'umutwe wa ADF zibasiye ibice bya Lubero muri Kivu ya Ruguru ni mu gihe mu minsi yashize yari imaze iminsi izengereza abatuye hafi y'umupaka wa Uganda.
Amashusho yakomeje gukwirakwizwa ku mbuga nkoranyambaga yagaragaje imirambo y'abagore n'abana iri hasi harimo n'iyishwe mu buryo bw'agashinyaguro.
Mu ijoro ryo ku wa Gatatu i Maikengo muri Lubero ADF ishinjwa kwica abarenga 40 ikoresheje intwaro gakondo nkuko ubutegetsi bwo muri ako gace bubitangaza.
Ku wa Kane tariki ya 13 Kamena izi nyeshyamba zishe abandi bantu batandatu zishimuta abandi babarirwa muri za miringo ibasanze mu murima yabo ahitwa i Musongo nkuko abategetsi bakomeje babivuga.
Amakuru avuga ko zatwitse amazu arenga 100 bituma abantu benshi bava mu byabo barahunga.
Comments
No comments
Leave a comment
www.ijambo.net is a product of YIRUNGA LTD.
We are here to provide with our professionals in advertisement and news so that our partnership will take your business one step ahead/
We focus on simplicity advertisement.
contact us/Twandikire
Rwanda,Western Province,Rubavu District,Kivumu cell
phone: 0781000112 / 0788989706
email: info@ijambo.net
Digital Marketing & Advertising
Social Media consultancy
Public Advertisement and Announcements
Branding and Promotion
Media Relation
Documentaries & Photography
Graphic design
Live streaming
Marketing campaign
Event management and Organising
Online Radio and TV
Community show