I Nduba huzuye uruganda ruzajya rubyaza umusaruro imyanda ihoherezwa

Mu Karere ka Gasabo hafi y'ikimoteri cya Nduba huzuye uruganda rugomba kujya rutunganya imyanda ijyanwa muri icyo kimotero bityo abaturage batuye hafi yacyo bakareka kubangamirwa n'umwanda uva muri icyo kimoteri.

Ubuyobozi bw'urwo ruganda bavuga ko bitegenijwe ko uru ruganda ruzajya rutunganya toni eshanu z'ifumbire y'imborera ku munsi.

Mbere yo gutunganya ifumbire hazajya habanza gutandukanya imyanda ibora n'itabora hanyuma abahinzi bayifashishe bafumbira imyaka yabo.

Mu kunoza imikorere y'uru ruganda ,umujyi wa Kigali ugiye kunoza uburyo iyo myanda itwaramo kandi bakigisha abaturage ko bagomba kujya batwara imyanda bamaze kuyitandukanya.

Uyu mushinga uri gukorwa ku bufatanye bwa Leta y'u Rwanda Luxembourg na GGI RWanda.

Minisitiri w'Ibidukikije Dr Valantine Uwamaliya yavuze ko ibi bizatuma imyanda idakomeza kuba umutwaro ku baturage batuye hafi y'icyo kimoteri.

Ati"Imyanda igomba kuba igikoresho fatizo aho kuba imyanda nkuko byumvikana kandi ibyo bikazafasha Leta mu kugera ku cyerekezo kirekire cy'iterambere."

Uruganda rwa Nduba rwuzuye rutwaye asaga miliyari enye z'amafaranga y'u Rwanda.