Yatawe muri yombi nyuma yo gusanganywa igihanga cy'ingona ku kibuga cy'indege.

Leta y’u Buhinde yavuze koa ko yataye muri yombi umugabo w'Umunya-Canada ku kibuga cy'indege cy'i Delhi kubera gutwara igihanga cy'ingona mu muzigo we.

Uyu mugabo w'imyaka 32 y’amavuko, yafashwe ubwo yahagarikwaga bwa mbere mu igenzura ry'umutekano,ari ku kibuga cy'indege.

Itangazo ry'ejo ku wa kane ry'urwego rwa gasutamo rw'i Delhi rigira rigira riti "Mu gusuzuma, igihanga gifite amenyo atyaye, gisa n'urwasaya rw'umwana w'ingona, gipima amagarama (g) hafi 777, cyatahuwe gipfunyitse mu gitambaro kijya gusa n'umuhondo werurutse."

Abo mu rwego rwa gasutamo bavuze ko uwo mugabo yatawe muri yombi ndetse ko icyo gihanga cyahawe ikigo cya Leta cyita ku mashyamba n'inyamaswa.

Abategetsi bavuze ko kugira igihanga cy'ingona bihonyora amategeko y'Ubuhinde yo kurinda inyamaswa ndetse n'amategeko ya gasutamo y'Ubuhinde.

Isesengura ry'icyo gihanga ryakozwe n'ikigo cyita ku mashyamba n'inyamaswa ryasanze icyo gihanga ari icy'ingona yo mu bwoko burinzwe, bijyanye n'amategeko y'Ubuhinde yo kurinda inyamaswa.

Hagati aho, urwego rwa gasutamo rw'i Delhi ruvuga ko uwo mugabo yandikiwe dosiye ndetse ko iperereza ririmo gukorwa.

Mu mwaka ushize, umugore w'Umunya-Canada w'imyaka 32 yahagarikiwe ku kibuga cy'indege cy'i Delhi nyuma yuko asanganywe amahembe y'inyamaswa itaramenyekanye, ari mu muzigo we.

Uwo mugore yabwiye abategetsi ko yari yatoye ayo mahembe ubwo yari arimo kugenda n'amaguru mu karere ka Ladakh mu majyaruguru y'Ubuhinde, nuko afata icyemezo cyo kuyatahana iwabo nk'urwibutso.