Umuti witwa AFFERALGAN VITAMINE C 500mg/200mg waharitswe ku isoko ry'u Rwanda

Ikigo cy'igihugu gishinzwe ubuziranenge bw'imiti n'ibiribwa (Rwanda FDA) cyahagaritse ikwirakwizwa n'ikoreshwa rya nimero A4042 y'umuti witwa AFFERALGAN VITAMINE C 500mg/200mg ukorwa n'uruganda rwitwa UPSA SAA rwo mu Bufaransa.

Rwanda FDA ivuga ko nyuma yo gukora ubusesenguzi kuri uyu muti wasanze ibara ryawo ryarahindutse iho kuba umweru,ibara ry'iyi nimero A4042 ahubwo riba ikiniga, binyuranije n'ibipimo by'ubuziranenge ugomba kuba wujuje.

Kubera iyo mpamvu Rwanda FDA yasabye abafite ububiko bw'imiti n'amasamo yayo (bose) ,abinjiza imiti mu Rwanda ,farumasi zirangura n'izidandaza ,amavuriro ya Leta n'ayigenga ya Leta  abaganga n'abahanga mu by'imiti gukora ibi bikurikira:

.Guhagarika gutanga no gukoresha nimero yavuzwe haruguru bakayisubiza aho bayiranguye.

.Gushyikiriza Rwanda FDA mu gihe cy'iminsi icumi y'akazi uhereye ku itariki y'iri hagarikwa,raporo y'imibare y'ingano y'uwo muti baranguye iyo bagurishije,iyagaruwe n'ingano yose bazaba bafite igomba kwangizwa.

.Umuntu waba ufite umuti wa AFFERALGAN VITAMINE C 500MG/200MG ufite nimero A4042 guhagarika kuwukoresha.