Umukobwa wa Perezida Paul Biya yakoze ibyemeza ko ari umutinganyi

Umukobwa w'umukuru w'igihugu cya Cameroon yasohoye amashusho  yateje impaka ku mbuga nkoranyambaga aho yagaragaye asomana n'undi mugore amubwira ko yamupfiriye, ibyatumye abatari bake batekereza byinshi kuri ayo amashusho kuko ibyo bihanwa n'amategeko muri icyo gihugu.

Ubu butumwa yacishije ku rubuga rwa Instagram bwerekana Brenda Biya w'imyaka 26 arimo asoma umunyamiderikazi wo muri Brezili Layyons Valença.

Brenda Biya yanditse ati: "Naragupfiriye kandi ndashaka ko isi yose ibimenya". Brenda yahise ashirako n'akamenyetso kagaragaza umutima nk'icyimenyetso cy'urukundo.

Perezida Paul Biya w'imyaka 91, Ni Perezida wa Cameroon kuva mu 1982, ni umwe mu bakuru b'ibihugu bamaze igihe kirekire ku butegetsi muri Afrika.

Muri Cameroon  abafashwe bari mu mibonano mpuzabitsina n'abo bahuje ibitsina bashobora gupfungwa kugeza ku myaka itanu.

Brenda Biya - umunyamuziki asanzwe aba hanze akaba azwi cyane nka "King Nasty"  ntiyavuze yeruye ibijyanye n'imibonano mpuzabitsina (sexualité) ubwo yashiraga hanze ayo mafoto.

Hagati aho, inyuma y'akanya ashize hanze ayo amashusho , Brenda Biya yerekanye inkuru y'ikinyamakuru cyo mu Bufaransa Le Monde, aho kivuga ko "yavuze yeruye ko ari umutinganyi".

Yerekanye kandi ubundi butumwa bw'abantu bandika bavuga ko bamushigikiye.

Ibinyamakuru hafi ya byose byo muri Cameroon ntacyo bitarangaza kuri ibyo byabayeiherutse ku mukobwa w'umukuru w'iki gihugu. Urwego rugenzura ibinyamakuru muri icyo gihugu ruzwiho guhana ibinyamakuru bishira hanze ibikorwa by'ubutinganyi.

Reta y'icyo gihugu ndetse na Perezida Paul Biya ntacyo baratangaza kuri iyi nkuru.