Umugore bivugwa ko ariwe wenyine wari usigaye mu muryango yasanzwe yapfuye
Mu Karere ka Ruhango mu Murenge wa Kabagari, habonetse umurambo wa Ntashamaje Renatha umwe mu barokotse jenoside yakorewe Abatutsi mu 1994 akaba ari nawe wari usigaye mu muryango we.
Uyu mubyeyi w'imyaka 51 y'amavuko yari atuye mu Mudugudu wa Kanyinya , Akagali ka Rwonga Umurenge wa Kabagari mu Karere ka Ruhango.
Abahaye UMUSEKE amakuru bavuga ko Nyakwigendera ariwe wari usigaye mu muryango we kuko ababyeyi be bombi n'abavandimwe be bishwe muri jenoside yakorewe Abatutsi.
Bakomeza bavuga ko uwo mugore yibanga kuko umwana we w'umukobwa atuye mu mujyi wa Kigali.
Umurambo wa Nyakwigendeera wasanzwe mu rutoki muri metero 200 uvuye aho yari atuye, ubwo hari saa tanu z'amanywa.
Babiri bawubonye bagakeka ko yishwe anizwe ndetse ko yakubiswe ikintu mu mutwe nkuko babihamya.
Umunyamabanga nshingwabikorwa w'Umusigire w'Umurenge wa Kabagari Benimpuhwe Marie Gorethi avuga ko iyi nkuru y'urupfu rwa Ntashamaje bayamenye bahamagara inzego z'Ubugenzacyaha na Polisi.
Ati “Icyamwishe ntabwo turakimenya, ababishinzwe batangiye gukora iperereza.”
Ntashamaje Renatha yakoraga mu Kigo cy’ishuri ryisumbuye giherereye muri uwo Murenge wa Kabagari, inzu yabagamo basanze ikinze.
Umurambo we wajyanywe mu Bitaro by’Igitwe kugira ngo ukorerwe isuzuma.
Comments
No comments
Leave a comment
www.ijambo.net is a product of YIRUNGA LTD.
We are here to provide with our professionals in advertisement and news so that our partnership will take your business one step ahead/
We focus on simplicity advertisement.
contact us/Twandikire
Rwanda,Western Province,Rubavu District,Kivumu cell
phone: 0781000112 / 0788989706
email: info@ijambo.net
Digital Marketing & Advertising
Social Media consultancy
Public Advertisement and Announcements
Branding and Promotion
Media Relation
Documentaries & Photography
Graphic design
Live streaming
Marketing campaign
Event management and Organising
Online Radio and TV
Community show