Uburusiya:Ibitangazamukuru bitagira umupaka byafungiwe imbugankoranyambaga

Imiryango itandukanye n'impirimbanyi z'ubwisanzure bw'itangazamakuru yamaganye icyemezo cyafatiwe Abanyamakuru batagira umupaka(Reporters Without Boarders) cyo kubahagarikira "Internet".

Umuryango wa Reporters Without Boarders usanzwe ufite ikicaro i Paris mu Bufaransa wavuzeko Guverinoma y'Uburusiya yafunze  imiyoboro ijya ku rubuga rwayo muri icyo gihugu kuva taliki  ya 18 z'ukwezi ka kane.

Uwo muryango ukomeza uvugako impamvu yatumye Uburusiya bufata icyo kemezo idasobanutse ariko uwo muryango usanga  impamvu yabiteye aruko bakomeje gushira ahabona ihohoterwa riri gukorerwa Abanyamakuru b'uyu muryango bari muri Ukraine no mu Burusiya.

Indi mpamvu babona nuko Abanyamakuru b'uyu muryango bakomeje gushira hanze icengezamatwara riri gukorwa na Guverinoma y'Uburusiya muri iki gihe cy'intambara.

Ibi bikozwe mu gihe habura iminsi mike kugirango Reporters Without Boarders isohore urutonde rugaragaza uburyo ibihugu bihagaze mu gutanga ubwisanzure bw'itangazamakuru ku munsi wahariwe ubwisanzure bwaryo tariki ya 3 Gicurasi.

Raporo ya Reporters Without Boarders y'Umwaka ushize yari yashize Uburusiya ku mwanya wa 164 ku isi mu bihugu 180 byari kuri urwo rutonde.