English Français
Twabonye inkuru kuri twe? Twandikire utubwire ibyaribyo byose.

Sudan: Abaturage barenga 175 ni bo bamaze kumenyekana ko baguye mu bitero by’ibisasu.

Abaturage barenga 175 ni bo bamaze kumenyekana baguye mu bitero by’ibisasu byagabwe ku isoko ryo mu gace ka Kabkabiya gaherereye mu birometero 180 mu Majyaruguru ya Darfur, umutwe wa Rapid Support Forces ugashinjwa kugaba ibyo bitero.

Ibi bisasu byagabwe kuri iri soko, byahatewe mu gihe ryari ririmo abantu benshi, bituma bahita bahasiga ubuzima mu kanya gato.

Ikindi gitero cyagabwe ku modoka itwara abagenzi mu buryo bwa rusange, gihitana abari bayirimo bose uko ari 22. Aba kandi baje bakurikira abandi bantu 65 baguye mu gace ka Omdurman.

Muri rusange, intambara yongeye gukaza umurego muri iyi minsi cyane cyane ko imirwano hagati y’Ingabo za Leta, ziyobowe na General Abdel Fattah al-Burhan ndetse na Rapid Support Forces iyobowe na General Mohamed Hamdan uzwi nka Dagalo, yarushijeho gukara.

Kuva iyi ntambara yatangira muri Mata 2023, imaze guhitana abarenga ibihumbi 24 mu gihe abarenga miliyoni umunani bahunze, benshi bahungira imbere mu gihugu mu gihe abandi bahungiye hanze yacyo.



Izindi nkuru wasoma

Ngoma: Imisanzu ya ‘Ejo Heza’ yaburiwe irengero? Abaturage batagira ingano barasaba ibisobanuro.

Gihitanye abaturage benshi: M23 yamaganye igitero cy’ubwicanyi cyagabwe i Bukavu.

DRC: Igituma abaturage ba Uvira batishimira igaruka ry’Abapolisi babasize mu mage.

Urukiko rwo muri Nigeria, rwashyize akadomo ku byo Naira Marley ahora ashinjwa n’abaturage.

DRC - Bukavu: AFC isohoye itangazo risubukura ibikorwa bya Leta, uko abaturage babyakiriye.



Author: Yves Iyaremye Chief Editor Published: 2024-12-12 17:18:50 CAT
Yasuwe: 72


Comments

No comments

Leave a comment

Comment
Name
Email (not displayed)
https://ijambo.net/content/Sudan-Abaturage-barenga-175-ni-bo-bamaze-kumenyekana-ko-baguye-mu-bitero-byibisasu.php