Abakinnyi 30 bahataniye Ballon d’Or 2025 bamaze gutangazwa

Kuri uyu wa kane tariki ya 07 Kanama 2025, Ikinyamakuru France Football cyashize hanze urutonde rw’abakinnyi 30 bahataniye igihembo gikomeye mu mupira w’amaguru, kizwi nka Ballon d’Or ku bagabo.

Iri tangazwa ryari ritegerejwe n’abantu benshi hirya no hino ku isi, aho byemejwe ko Ousmane Dembélé ukinira Paris Saint-Germain (PSG) na Lamine Yamal wa FC Barcelona, aribo bahabwa amahirwe menshi yo kwegukana iki gihembo, cyane cyane nyuma y’umwaka w’imikino barangije bahagaze neza kurusha abandi.

Iki gihembo gitangwa buri mwaka kigamije guhemba umukinnyi witwaye neza mu mikino y’umwaka wose. Abakinnyi bahatanira Ballon d’Or batoranywa hashingiwe ku musaruro wabo ku giti cyabo no mu makipe bakinira, imidali begukanye, ndetse n’uruhare bagize mu mukino wabo.

Ikipe ya Paris Saint-Germain (PSG) yigaranzuye uru rutonde, kuko hagaragaye abakinnyi 9 bose muri 30 bari kuri uru rutonde. Muri abo bakinnyi harimo; Ousmane Dembélé ,Gianluigi Donnarumma, Désiré Doué,chraf Hakimi, Khvicha Kvaratskhelia, Nuno Mendes, João Neves, Fabián Ruiz ndetse na Vitinha

Ni ubwa mbere iyi kipe y’i Paris igaragaje umubare munini w’abakinnyi kuri uru rutonde, ibyo bikaba byerekana imbaraga yashyizemo mu mwaka ushize aho yegukanye ibikombe bitatu bikomeye (Treble).

Barcelona na Real Madrid ntizacitswe n’urutonde , FC Barcelona nayo yahagarariwe na: Lamine Yamal, umukinnyi muto ushobora kuba ari we utunguranye cyane,

Pedri

Raphinha

Robert Lewandowski

Real Madrid nayo ntiyasigaye inyuma, yohereza:

Jude Bellingham

Vinícius Jr na 

Kylian Mbappé, wagiye muri Real Madrid nyuma yo kuva muri PSG.

Dore urutonde rwose rw’abakinnyi 30 bahataniye Ballon d’Or 2025:

1. Ousmane Dembélé (PSG)

2. Gianluigi Donnarumma (PSG)

3. Jude Bellingham (Real Madrid)

4. Désiré Doué (PSG)

5. Denzel Dumfries (Inter Milan)

6. Serhou Guirassy (Dortmund)

7. Erling Haaland (Man City)

8. Viktor Gyökeres (Arsenal)

9. Achraf Hakimi (PSG)

10. Harry Kane (Bayern Munich)

11. Khvicha Kvaratskhelia (PSG)

12. Robert Lewandowski (Barcelona)

13. Alexis Mac Allister (Liverpool)

14. Lautaro Martínez (Inter Milan)

15. Scott McTominay (Napoli)

16. Kylian Mbappé (Real Madrid)

17. Nuno Mendes (PSG)

18. João Neves (PSG)

19. Michael Olise (Bayern Munich)

20. Cole Palmer (Chelsea)

21. Pedri (Barcelona)

22. Raphinha (Barcelona)

23. Declan Rice (Arsenal)

24. Fabián Ruiz (PSG)

25. Mohamed Salah (Liverpool)

26. Virgil van Dijk (Liverpool)

27. Vinícius Jr (Real Madrid)

28. Florian Wirtz (Liverpool)

29. Vitinha (PSG)

30. Lamine Yamal (Barcelona)

Ibi bihembo biteganyijwe gutangwa ku itariki ya 22 Ukwakira 2025, mu birori bizabera Théâtre du Châtelet i Paris mu Bufaransa. Haranirwa n’ibindi bihembo birimo:

Ballon d’Or Féminin (ku bagore), Kopa Trophy (umukinnyi muto mwiza), Yashin Trophy (umunyezamu mwiza).

Abafana ba ruhago baracyari mu gihirahiro, bategereje kumenya niba ari Dembélé, Mbappé, Yamal, cyangwa undi uzegukana icyo gihembo cy’agaciro kadasanzwe.

Ese wumva ari nde ufite amahirwe menshi yo kucyegukana?

Sangira ibitekerezo byawe!

Author:Elysee Niyonsenga