Rubavu:Abashumba b'inka bahawe amakarita y'akazi

Nyuma yuko abaturage batanze ibirego bavuga ko abashumba b'inka babakorera urugomo nti hagire igikorwa,Ubuyobozi buvuga ko bwafashe ingamba zigamije gukemura burundu icyo kibazo.

Amakuru avuga ko zimwe mu ngamba zafashwe ari uguha aba  bashumba amakarita y'akazi abaranga kandi buri mushumba akaba agomba kuba afite indangamuntu.

Umuyobozi w'Akarere ka Rubavu Mulindwa Prosper yavuze ko nta mushumba ugomba guhabwa akazi adafite ibyangombwa by'akazi bimuranga.

Ati"Tumaze kumenye iki kibazo twarabicukumbuye twinjira mu bashyumba ,tukamenya ese abo bashumba ni bantu ki ? Dusanga harimo abashumba baba batagira ibyangombwa , batananditswe,utapfa kumenya ngo uyu mushumba ni uwahe,ararahe.ibyo rero nibyo byatumaga ikibazo gikomeza kuba kinini."

Akomeza agira ati"Kuko iyo abantu batazwi n'umworozi atarabanje gusesengura ngo uyu mushumba agiye guhabwa akahe kazi ni muntu ki, haramutse havutse ikibazo ubwo nabibaza nde?, ese twamushakirahe? ibyo nibyo rero byabaje kubaho ariko ubu ngubu twamaze kubiha umurongo.

Mayor Mulindwa yashimangiye ko nta  mushumba ugomba guhabwa akazi mu gihe adafite indangamuntu kandi ko hagomba gukorwa igenzura bakamemya neza ko niba aho avuye yari afite imico myiza.

                                                                   Amakarita y'akazi aranga abashumba b'inka bo mu Karere ka Rubavu