Rubavu hafashwe inka 8 zari zijyanywe muri DRC mu buryo bunyuranyije n’amategeko.

Inka umunani zafatiwe ku mupaka uhuza Goma na Gisenyi mu Murenge wa Rubavu, bikekwa ko zari zigiye kubagirwa mu mujyi wa Goma muri DRC, ziciye munzira zitemewe.

Itangazo ryashyizwe hanze rigira riti "Uwamenya amakuru ku waba yabuze imwe muri izi nka yatumenyesha, zifashwe zari zijyanywe muri DRC ziciye mu nzira zitemewe."

Iryo tangazo rikomeza rigira riti "Ubu ziri mu maboko y’Ubuyobozi bw’Umurenge wa Rubavu, mudufashe dusangire amakuru."

Mu kwizihiza Noheli mu mujyi wa Gisenyi, habazwe inka 260 n’ amatungo magufi 86.