Police FC yerekanye imbaraga zidasanzwe yegukana igikombe cy’Inkera y’Abahizi

Ku Cyumweru, tariki ya 24 Kanama 2025, ikipe ya Police FC yegukanye Igikombe cy’Inkera y’Abahizi, irushanwa ryateguwe na APR FC rikaba ryitabiriwe n’amakipe ane arimo Police FC, AS Kigali, AZAM FC yo muri Tanzania, na APR FC.

Umukino wabereye kuri Stade Amahoro warangiye Police FC itsinze AS Kigali kuri penaliti 5-3 nyuma yo kunganya 0-0 mu minota 90.

AZAM FC yo muri Tanzania yabaye iya kabiri mu irushanwa nyuma yo gutsinda APR FC ibitego 2-0, ariko ntiyabashije kwegukana igikombe. AS Kigali yabaye iya gatatu, mu gihe APR FC yasoje ku mwanya wa nyuma itsinzwe imikino yose uko ari itatu.

Ibihembo byatanzwe

Police FC: sheki ya miliyoni 5 Frw

AZAM FC: miliyoni 2 Frw

AS Kigali: ibihumbi 500 Frw

APR FC: ibihumbi 300 Frw

Ikipe ya Police FC yerekanye imbaraga mu gukina, igaragaza ubuhanga mu gutsinda imikino yayo, bituma yegukana iri rushanwa.