Nyamasheke: RIB yafunze umuforomo ukekwaho gusambanya kugahato.

Umuforomo wo ku kigo nderabuzima cya Ruheru mu karere ka Nyamasheke, yatawe muri yombi n’urwego rw’Igihugu rw’Ubugenzacyaha (RIB), aho akekwaho gusambanya umukozi ukora amasuku ku muri icyo kigo.

Uyu muforomo w’imyaka 39 y’amavuko  amakuru avuga ko akurikiranyweho icyaha cyo gukoresha undi imibonano mpuzabitsina ku gahoto umukozi w’imyaka 25.

Amakuru agera mu itangazamakuru avuga ko aba bombi bari bakoze akazi k’ ijoro.

RIB yatangaje ko yataye muri yombi uyu muforomo ku wa 06 Mutarama 2025. Mu gihe icyaha akurikiranyweho cyabaye ku wa 30 Ukuboza 2024, kibera mu Murenge wa akanjongo, Akagari ka Raro, Umudugudu wa Musaka, aho icyo Kigo nderabuzima giherereye.

Kuri ubu uwafashwe afungiye kuri Sitasiyo ya RIB ya Kanjongo, mu gihe dosiye ye igihe gutunganwa kugira ngo yohererezwe Ubushinjacyaha.

Icyo amategeko ateganya.

Icyaha cyo gukoresha undi imibonano mpuzabitsina ku gahato akurikiranyweho, giteganwa n’ingingo ya 134 y’itegeko No. 68/2018 ryo ku wa 30 Kanama 2018 riteganya ibyaha n’ibihano muri rusange.

Mu gihe yaba abihamijwe n’urukiko yahanishwa igifungo kuva ku myaka 10 ariko kitarenze imyaka 15 n’ ihazabu kuva kuri 1,000,000 Frw ariko atarenze 2,000,000 Frw.