Kenya:Amasasu yavugiye mu rukiko umupolisi Mukuru arapfa abandi barakomereka

Umupolisi w'ipeti rya Chief Insipector of Police(CIP) wo muri Kenya yishwe arasiwe mu rukiko nyuma yuko arashe umucamaza  Mukuru wari ufashe umwanzuro ukomeye ku rubanza ruregwamo umugore we.

Amakuru avuga ko CIP yarashe umucamanza Mukuru Monica Kivuti mu rukiko rwo mu murwa mukuru Nairobi nyuma yuko uwo mucamanza  afashe icyemezo cyo kuburizamo ifungurwa  by'agateganyo kw'umugore we .

Uwo mupolisi mukuru watangajwe ko yitwa Kipchirchir Kipruto ukuriye satasiyo ya polisi yo mu mujyi wa Londiani mu Burengerazuba bwa Kenya yahise akuramo imbunda arasa umucamza aramukomeretsa.

Abandi bapolisi bari mu bacunze umutekano muri urwo rukiko bahise basubiza uwo mupolisi baramurasa ahita apfa.

Amakuru atangwa na Polisi yo muri Kenya avuga ko muri uko kurasana abandi bapolisi batatu bakuru nabo bahise bakomereka.

Abo bapolisi batatu n'umucamanza mukuru bahise bajya kuvurirwa mu bitaro.

Polisi ya Kenya yavuze ko uwo mupolisi yari mu rukiko mu buryo butazwi ariko yavuze ko iperereza rigikomeje kugirango hamenyekane icyateye iryo rasana.

Urwego rw'ubucamanza muri icyo gihugu rwijeje abagana inkiko ndetse n'abakora akazi ku bucamanza ko ruzavugurura ingamba z'umutekano .

Winfridah Mokaya Umwanditsi Mukuru w'ubucanza yagize ati"Nk'umunyamuryango w'ubucamanza twifurije mugenzi wacu gukira vuba ,Tunihanganisha umuryango w'umupolisi mukuru wapfiriye muri ibi byabayaye,birababaje."