Ikipe ya Kiyovu Sports yagarikiwe i Rubavu ikomeza kugwa mu mu mpanga.

Marines FC, yatsinze Kiyovu Sports imvura y’ibitego 4-2 mu mukino w’umunsi wa Gatandatu wa shampiyona wabereye kuri Stade Umuganda kuri iki Cyumweru bituma iyi kipe yo ku Mumena ikomeza kurohama.

Ni umukino watangiye Saa Cyenda z’amanywa, ubera kuri Stade Umuganda mu Karere ka Rubavu. Kiyovu Sports yari yagiye gukina uyu mukino idafite bamwe mu bakinnyi barimo Ndizeye Eric na Mbonyingabo Regis kubera ibibazo by’imvune.

Ikipe ya Marines FC izwiho kugora amakipe akomeye, yakoze mujisho Kiyovu Sports, ibifashijwemo na Ndombe watsinze igitego ku munota 21, Mubatrakh wagitsinze ku munota wa 55 na Ebenezer watsinze bibiri ku munota wa 74 n’uwa 86.

Umukino warangiye iyi kipe yo ku Mumena yongeye gutsindwa, uba umukino wa Kane wikurikiranya itabona amanota atatu.

Kugeza ubu  Kiyovu ifite amanota atatu kuri 15 imaze gukinira.