Bus ya Rayon Sports yari imaze imyaka 4 iparitse igiye gusubira mu muhanda.

Kuri uyu wa Kabiri tariki 19 Ugushyingo 2024, nibwo hagiye amakuru hanze avuga ko ikipe ya Rayon Sports Busi yayo yari imaze imyaka 4 iparitse, yatangiye gukoreshwa mu minsi micye iraba yatangiye gukora hatagize igihinduka.

Kuva Uwayezu Jean Fidel yasezera ku nshingano zo gukomeza kuyobora ikipe ya Rayon Sports, byinshi bikomeje guhinduka nyuma yaho abari abayobozi b’iyi kipe bagarutse bakegera ikipe.

Bimwe mu bimaze guhinduka muri Rayon Sports, ubona ko abakinnyi basigaye bakina bafite imbaraga nyinshi bijyanye n’agahimbazamusyi baba bashyiriweho ndetse ni uko babona hari abantu baba babari hafi.

Ikipe ya Rayon Sports ku wa gatandatu tariki 16 Ugushyingo 2024, yashyizeho ubuyobozi bushya buyobowe na Twagirayezu Thadee uyobora umuryango wa Rayon Sports ndetse na Muvunyi Paul uyobora urwego rw’ikirengo rw’iyi kipe, bivuze ko batangiye inshingano zabo.

Ikipe ya Rayon Sports kugeza ubu iri kumwanya wa mbere w’agateganyo wa Shampiyona y’icyiciro cya mbere n’amanota 20. Iyi kipe ikurikiwe na Gorilla FC ifite amanota 18 ndetse izi kipe zifitanye umukino kuri iki cyumweru tariki 24 Ugushyingo 2024.