Igisirikare cy'u Rwanda cyatangaje ko cyiteguye guhangana na Congo mu gihe cyose yaba ishoje intambara

Nyuma y'amagambo yakomeje kuvugwa na Perezida wa Repubulika Iharanira Demukarasi ya Congo Felix Tshisekedi,Umuvugizi w'Igisirikare cy'u Rwanda Brig Gen Ronald Rwivanga  yavuze ko ingabo z'u Rwanda ziteguye mu gihe icyaricyo cyose DRC yatera u Rwanda.

Felix Tshisekedi yumvikanye avuga amagambo yo kwerekana ko ashobora gushoza intambara mu Rwanda igihe yari mu bikorwa byo kwiyamamaza yagiye akorera ahantu hatandukanye

Hari aho yavuze ati"ni muramuka mungiriye icyizera, maze u Rwanda rugakomeza ibikorwa byo guteza umutekano mucye mu burasirazuba bw'igihugu nzahuriza hamwe imitwe yose mu ntekonshingamamegeko maze nyisabe gushoza intambara mu Rwanda kandi nyuma y'igihe gito tuzaba twageze mu murwa mukuru Kigali".

Si ibyo gusa kuko yumvikanye agereranya Perezida Paul Kagame nka Adolpf Hitler,avuga ko nawe azagira amaherezo nk'aya Adolf Hitler.

Mu kiganiro yagiranye na The New Times Brig Gen Ronald Rwivanga  yavuze ko Igihe cyose bagerageza gutera u Rwanda baba biteguye guhangana nabo 

Ati"Turiteguye rwose kandi twe duhora twiteguye,nta gishya mu kwitegura kwacu igihe icyo gikorwa cyaba cyibaye".

Brig Gen Ronald Rwivanga  yahumurije Abanyarwanda ababwirako ntacyo kwikanga gihari ko ibintu byose ari mutekano.