‘’Igifaransa kidufasha gukorana imishinga no guhanga udushya’’ Emmanuel Macron.

Perezida w'u Bufaransa, Emmanuel Macron yatangije inama ya 19 y'ibihugu na za Guverinoma bihuriye mu Muryango buhuza ibihugu bikoresha Igifaransa, akaba ari inama yitabiriwe na Perezida Paul Kagame na Madamu Jeannette Kagame.

Umunyamabanga Mukuru wa OIF avuga ko Igifaransa ari ururimi rwakomeje kwaguka no kwakira amagambo mashya avuye mu yindi mico.

Perezida  w’Ubufaransa  yavuze ko Igifaransa gifasha guhahirana, gukorana ubucuruzi, gutangiza imishinga no guhanga udushya byihuse.

Yanavuze kandi ko Igifaransa kifashishwa mu gutanga ubumenyi no gufasha kwigisha, yungamo ko badakwiye kwizirika ku rurimi rumwe ari yo mpamvu n'Igifaransa kigomba kwigishwa hamwe n'izindi ndimi.

Ati "Dufatanyije tugomba kurwanya imvugo z'urwango n'izivangura tunabifashijwemo n'uyu Muryango wa Francophonie." Akomeza avuga ko yu muryango ugomba gufasha abawugize kurwanya ikwirakwizwa ry'amakuru y'ibihuha.