Hamenyekanye igihe imibiri y’Abasirikare 14 bo muri Afurika y’Epfo izoherezwa mu Gihugu cyabo.

Imibiri y’abasirikare 14 bo muri Afurika y'Epfo bishwe mu ntambara n’abarwanyi ba M23 muri Repubulika Iharanira Demokarasi ya Congo (DRC), izoherezwa mu gihugu cyabo kuri uyu wa Gatatu.

Ibi byatangajwe n’umukuru w’ingabo za Afurika y'Epfo, Gen. Rudzani Maphwanya, mu kiganiro yatanze mu nteko ishinga amategeko ejo hashize.

Imibiri izoherezwa nk'Igikorwa cyo kwubaha abasirikare bapfuye.

Gen. Maphwanya yavuze ko abasilikare batangiye gutegura urugendo rwo gusubiza imibiri yabo mu gihugu, mu rwego rwo kubaha abapfuye no kubaha inshingano zabo nk'abasirikare. Yashimangiye ko basohoje neza inshingano zabo mu butumwa bw’amahoro muri DRC, ariko ko icyumweru gishize cyari kigoye ku bihugu byose byohereje ingabo muri icyo gihugu.

Minisitiri w'Ingabo, Angie Motshekga, yavuze ko ingabo z'Afurika y'Epfo zatanzwe muri DRC zigamije kugarura amahoro kandi ko ibikoresho byari bihagije gusa kugira ngo babashe kwirwanaho igihe cyose baterwaga. Nubwo ingabo z'Afurika y'Epfo zahuye n'ibibazo bikomeye, Minisitiri yavuze ko nta mpamvu yo kongera ibikoresho byinshi nk'uko byari kuboneka mu ntambara.

Ingaruka z'intambara mu bihugu bifatanyije muri SADC

Abasesenguzi mu bya gisirikare batangiye kuvuga ko misiyo yo kugarura amahoro muri DRC ifite intego zidasobanutse neza, kandi bagereranya ko ari uburyo bw'umurimo bwananiye Umuryango w'Abibumbye. Baganiriye ku buryo ingabo z’Afurika y’Epfo zitari ziteguye guhura n’ingorane nyinshi ziri mu mirwano.

Nubwo hari benshi bemeza ko imiyoborere ya misiyo muri DRC itari yizewe, ubuyobozi bwa Afurika y'Epfo bwanze kugira icyo buhindura mu myanzuro yo kohereza ingabo muri ako karere.