Diamond Platnumz yatunguye umufana we amuha akayabo ka mafaranga na Moto nshya

Ijambonews. 2020-08-13 18:36:07

Umwe mu bahanzi bamaze kwigarurira imitima ya benshi mu karere ka Afurika y'Uburasirazuba , Afurika no hanze yayo ,Diamond Platnumz, ubwo yari mu gikorwa cyo kwamamaza ubukerarugendo , yakoze benshi ku mutima ku bw’igikorwa cy’ubumuntu yakoze.

Ubwo Diamond n'abari bamuherekeje barimo Zuchu n'abandi barimo abashinzwe ibikorwa n'inyungu ze, uyu muhanzi yatunguranye ubwo umufana we yamusabaga amafaranga nta kuzuyaza agahita ayamuha.

Uyu mufana bivugwa ko yari umucuruzi w'amabenye ku muhanda , yaje yegera Diamond yamanitse amaboko yerekana ko ntakibazo yateza , aza asaba Diamond ubufasha ko yamufasha akagura moto agatangira kwikorera akiteza imbere.

Uyu mugabo witwa Njenga Mkangasa yaje agira ati "Diamond Platnmuz, amakuru yawe?, akazi kameze gate?, ndabashimira cyane. Ndi umufana wawe mukuru.

Ndabashimira k'ubwo akazi mukora. Njye n'umwana wanjye turasaba ubufasha bwo kugura moto (Ipikipiki) tukiteza imbere. Ndasaba ubufasha." Diamond nawe nyuma yo kumva iby'uyu mugabo ku bw’impuhwe ze ntiyazuyaje yahise asaba umujyanama we kumusinyira cheque y'amafranfga bakamushakira n'iyo moto, uyu mugabo yasabaga avuga ko igura miliyoni 2 n'igice.

Ntibyarangiriye aho kuko bamuhaye n'udufaranga duke muyo bari bitwaje cash bakomeza urugendo. Si ubwa mbere uyu muhanzi agiririye neza abamusabye ubufasha, kuko no mu mwaka ushize, yahaye ibihumbi magana ane umufana we, ubwo yamusanganga mu mudoka ye akamubwira ko amukunda cyane.

Diamond Platnumz akomeje gushimwa n’abanya Tanzania benshi harimo n’Umukuru w’Igihugu kubw’ibikorwa bye bitangaje akomeje gukora.