Abayobozi bakuru ba Hezbollah bakomeje kwicwa  urusorongo.

Igisirikari  cya Israel kirwanira mu kirere cyagabye ibitero ku cyicaro gikuru cy’umutwe ushinzwe iperereza mu mutwe w’abarwanyi ba Hezbollah ndetse n’ahakorerwa  intwaro z’uyu mutwe i Beirut mu murwa mukuru wa Libani.

Itangazo Leta ya Israel yashize ahagaragara ko ingabo za bo zishe Alhaj Abbas Salameh wari mu buyobozi bwa Hezbollah, Radja Abbas Awache, umuhanga wari ushinzwe ibyo gutanga amakuru muri uwo mutwe ndetse na Ahmad Ali Hussein wari ushinzwe intwaro za gisirikare muri Hezbollah.

Gusa igisirikare cya Israel ntiyasobanuye niba abo bayobozi biciwe mu bitero Israel yagabye ku kicaro gikuru cya Hezbollah cyangwa aria ho uyu mutwe ukorera intwaro. Hezbollah ntacyo iratangaza kuri aya makuru.