Abakinnyi ba Rayon Sports bemerewe akayabo mu gihe baba batsinze Etincelles FC.

Kuri uyu wa gatandatu tariki 9 Ugushyingo 2024, ikipe ya Rayon Sports irakira ikipe ya Etincelles FC mu mukino w’ikirarane utarabereye igihe.

Ni umukino abakinnyi ndetse n’abayobozi b’ikipe ya Rayon Sports bemeza ko bagomba kubona amanota 3 akiyongera kuyo bamaze igihe babona mu mikino iheruka.

Ku munsi wejo hashize tariki 8 Ugushyingo 2024, ikipe ya Rayon Sports yakoze imyitozo ya nyuma yitegura uyu mukino. Iyi kipe yasuwe na bamwe mu bayobozi bayo bayobowe na Roger ndetse na Perezida Gacinya Chance Danny.

Aba bayobozi basuye ikipe ya Rayon Sports basabye abakinnyi amanota 3 ndetse bemereye ikipe yose agahimbazamusyi kangana n’ibihumbi 120 mu gihe baramuka batsinze ikipe ya Etincelles FC, nk’uko Ngabo Roben yabitangarije RBA.

Aka gahimbazamusyi muri iyi kipe ntabwo gatunguranye cyane kuko Rayon Sports imaze iminsi irimo kwitwara neza ndetse bakanahanwa amafaranga atari munsi y’ibihumbi 100 mu mikino batsinze ndetse akaniyongera bitewe n’ibitego byatsinzwe.

Uyu mukino Rayon Sports irakina n’ikipe ya Etincelles FC, uratangira ku isaha ya saa kumi n’ebyiri z’umugoroba, ubere kuri Kigali Pele Stadium.

Ikipe ya Rayon Sports niramuka itsinze uyu mukino biratuma irara ku mwanya wa mbere wa shampiyona  by’agateganyo.