DRC:Habaye impinduka mu buyobozi bw'ingabo za Congo FARDC

Kuva ku wa mbere tariki ya 22 Mata,  Sous-lieutenant Mbuyi Kalonji Reagan yabaye umuvugizi mushya w’urwego rukora ibikorwa bya Sokola 1 byo kurinda umujyi wa Goma muri Kivu ya Ruguru.

Sous-lieutenant Mbuyi Kalonji  asimbuye Kapiteni Anthony Mwalushay kuri uyu mwanya wari umumazeho imyaka itanu.

Amakuru aturuka mu gisirikare cya Congo FARDC avuga ko iki cyemezo cyafashwe n’ubuyobozi bukuru bw’ingabo kubera impamvu z'imikorere.

Mbere yuko ashyirwaho,  Sous-lieutenant Mbuyi Kalonji yari umuvugizi w’ingabo z’akarere ka Afurika y’iburasirazuba (EAC) kugeza igihe yaviriye muri Kivua ya Ruguru mu Kuboza 2023.

Umuvugizi mushya wa FARDC w’urwego rukora ibikorwa bya Sokola 1 muri Kivu ya Ruguru afite impamyabumenyi ihanitse mu itumanaho ry’inzego, yakuye muri kaminuza ya Kinshasa. Yize kandi mu ishuri rya gisirikare rya Kananga.