Ibirindiro  bya FARDC biri i Nzuro byashegeshwe n'bisasu bivugwako byoherejwe na M23 

Mu gitondo cyo kuri uyu wa Gatanu tariki ya 03 Gicurasi mu gace ka Nzuro hatewe ibisasu bibiri abantu barenga 45 bahasiga ubuzima.

Umusirikare ufite ipeti rya Serija wo mu ngabo za Leta ya Congo (FARDC) utifuje ko amazina ye atangazwa yaganiriye na Rwandatribune, yavuzeko ibyo bisasu byaguye mu birindiro bya FARDC biri ahitwa Nzuro, byica abasirikare 45 bavanze n'imiryango yabo.

Amakuru avugako agace ka Nzuro kari mu birindiro bikuru bya FARDC bigizwe nabsirikare barwanisha imbunda zirasa kure.

Umwe mu batangabuhamya babibonye avugako ibitwaro birasa kure bya FARDC aribyo byabanje kurasa ku nyeshyamba za M23 ziri mu musozi ya Shasha na Muremure, M23 ikaba yabikoze mu rwego rwo kwihorera.

Agace ka Nzuro kabarizwa hafi y'ikiyaga cya Kivu kakaba karakunze kuba isibaniro ry'imirwano ya hato na hato hagati ya FARDC na M23.