UEFA Champions League: Amakipe y’ibigugu yisanze muri kamarampaka, Liverpool, Barcelona muri 1/8.

Mu ijoro ryo ku wa 29 Mutarama 2025, hasojwe umunsi wa munani wa UEFA Champions League, aho amakipe akomeye nka Manchester City, Real Madrid, Bayern Munich na Paris Saint-Germain yatunguranye yisanga mu makipe agomba gukina kamarampaka kugira ngo abone itike yo gukina imikino ya 1/8.

Manchester City yatsinze ariko izanyura mu nzira y’inzitane.

Ikipe ya Manchester City yatsinze Club Brugge ibitego 3-1, nyuma yo gutangira nabi umukino, aho Raphael Onyedika yafunguye amazamu ku ruhande rwa Club Brugge ku munota wa 45.

Gusa Mateo Kovačić yaje kwishyura ku munota wa 53, mbere y'uko Joel Ordonez yitsinda igitego, Manchester City ikomeza kuyobora umukino. Savinho yatsinze igitego cya gatatu cyayihesheje intsinzi n'itike yo gukina kamarampaka.

Real Madrid yatsinze ariko ibura umwanya wa 1/8

Real Madrid nayo yatsinze Brest ibitego 3-0, ariko irangiza ku mwanya wa 11, bisobanuye ko izabanza gukina kamarampaka kugira ngo igere muri 1/8.

Liverpool, Barcelona n’ayandi makipe akomeye yisanze muri 1/8

Nubwo Liverpool yatsinzwe na PSV Eindhoven ibitego 3-2, irangije imikino yayo iri ku mwanya wa mbere, aho yagiye gukina uyu mukino yizeye itike ya 1/8.

Amakipe yabonye itike yo gukina imikino ya 1/8 ni:

·         Liverpool

·         Barcelona

·         Arsenal

·         Inter Milan

·         Atlético Madrid

·         Bayer Leverkusen

·         Lille

·         Aston Villa

Amakipe azabanza gukina kamarampaka

·         Atalanta

·         Borussia Dortmund

·         Real Madrid

·         Bayern Munich

·         AC Milan

·         PSV Eindhoven

·         Paris Saint-Germain (PSG)

·         Benfica

·         Monaco

·         Brest

·         Feyenoord

·         Juventus

·         Celtic

·         Manchester City

·         Sporting CP

·         Club Brugge

Amakipe yasezerewe rugikubita

·         Dinamo Zagreb

·         Stuttgart

·         Shakhtar Donetsk

·         Bologna

·         Crvena Zvezda

·         Sturm Graz

·         Sparta Prague

·         RB Leipzig

·         Girona

·         Salzburg

·         Slovan Bratislava

·         Young Boys

Tombola ya Kamarampaka

Tombola y'uko amakipe azahura mu mikino ya kamarampaka izaba ku wa 31 Mutarama 2025 i Nyon mu Busuwisi.