U Rwanda rw’ejo ruri mu maboko y’abarezi - Tito Rutaremara.

Umuyobozi w’Urwego rw’Igihugu Ngishwanama rw’Inararibonye, Tito Rutaremara, yasabye abarimu bigisha mu mashuri y’incuke gutoza abana gutekereza, gushakashaka, kuvumbura no guhimba; abibutsa ko u Rwanda rw’ejo ruri mu maboko y’abarezi.

Iki kiganiro cyibanze ku myumvire nk’ishingiro ry’uburezi buhamye n’iterambere ry’u Rwanda.

Rutaremara yagitangiye mu Kigo cy’Ubutore cya Nkumba ku barimu bitabiriye Icyiciro cya Gatatu kiri gutangirwamo amahugurwa ku myigishirize y’amateka n’indangagaciro z’umuco Nyarwanda.