Rusizi: Rwabukwisi Zacharie yitabye Imana nyuma yo kuraswa.

Tariki ya 8 Gashyantare, Rwabukwisi Zacharie, umuturage w’imyaka 31 utuye mu Murenge wa Nzahaha, mu Karere ka Rusizi, yitabye Imana nyuma y’amasasu yatewe n’ingabo za FARDC mu gihugu cya Repubulika Iharanira Demokarasi ya Congo.

Rwabukwisi yari ari guhinga ku nkengero z’umupaka w’u Rwanda na Kongo, aho amasasu yatangiye kumvikana hafi aho, arimo avugira ku ruhande rwa DRC. Uyu mugabo yarahavuye ahavana n’umugore we, ariko isasu ryahitanye ubuzima bwe, ubwo uyu mugabo yagezwaga mu bitaro basanze yarashwe mu gatuza.

Ubuyobozi bw'Akarere ka Rusizi bwavuze ko isasu ryaturutse muri Congo ryamusanze mu Rwanda. Visimeya w’Akarere ka Rusizi, Alfred Habimana, yatangaje ko umuryango wa Rwabukwisi wifashishije ubuyobozi kugira ngo imirimo y'ishyingurwa izabere ku itariki 12 Gashyantare.

Ati ‘’Isasu ryarasiwe muri Congo ryamusanze mu Rwanda, yitura hasi, abamusanze aryamye bamujyanye kwa muganga basanga yarashwe mu gatuza."

Habimana yibukije abaturage kwitwararika no kwikingira igihe bumvise amasasu, nk'uko byagaragaye mu bihe by’intambara.

Biteganyijwe ko Rwabukwisi azashyingurwa kuri uyu wa 12 Gashyantare.