Rubavu:Abiganjemo abakora ingendo nyambukiranyamupaka bahawe inkingo za Mpox.

Mu Karere ka Rubavu by’umwihariko abagereye umupaka uhuza Rubavu-Goma bakora  ingendo nyambukiranyamupaka batangiye guhabwa inkingo za Mpox.

Abaturage bamaze guhabwa inkingo za Mpox barashimira Leta y’u Rwanda yabegereje inkingo kuba bagaragaza ko nabo ubwabo bari bafite impungenge nyinshi kuri iki cyorezo kimaze guhitana abatari bake muri Congo.

Mugace ka Kanembwe ahatuwe n’abaturage  benshi bakora ibikorwa nyambukiranyamupaka wa Rubavu, abaforomo begereye abaturage maze babashyikiriza inkingo za Mpox, aho ku ikubitiro abantu 50 bahise bakingirwa.

Ushinzwe ikingira mu kigo nderabuzima cya Gacuba mu murenge wa Gisenyi Bwana  Mukeshimana Jean Pierre yagiriye inama abakingiwe yo gukomeza ingamba zibafasha kwirinda kwandura.