Rayon Sports iri mu biganiro na LIoyd Aoron Banega witezweho gusimbura Madjaliwa.

Ku munsi w’ejo hashize tariki 16 mutarama 2025, Nibwo hamenyekanye amakuru avuga ko Rayon Sports na Aoron Benega ibiganiro birimo kugenda neza mu minsi micye arasesekara i Kigali aje gusinya amasezerano.

Amazina ye yose yitwa LIoyd Aoron Baneka, afite imyaka 22 kuko yavuze tariki 8 mutarama 2003. Ni umukinnyi ukina mu kibuga hagati ariko yugarira( Defensive Midfield), yakinaga mu ikipe yitwa Nyasa Big Bullet FC yo mu gihugu cya Malawi.

Uyu musore ukomoka mu gihugu cya Malawi, iyi kipe ya Big Bullet yayisinyiye tariki 5 mutarama 2024. Icyo gihe asinya amasezerano yagombaga kurangira tariki 30 mutarama 2027 ariko mu minsi micye ashobora kuba ari mu ikipe ya Rayon Sports.

Amakuru ahari kugeza ubu aravuga ko ikipe ya Rayon Sports yatangiye ibiganiro n’uyu musore ndetse ibiganiro bimeze neza ubuyobozi bufite icyizere cyo kumwegukana agasimbura umurundi Aruna Moussa Madjaliwa wanze gukomezanya n’iyi kipe.

Aoron Banega iyi kipe yakinagamo yitwa Nyasa Biga Bullet FC, yakinaga CAF Champions Lague ndetse yaranakinishwaga mu mikino imwe n’imwe akagaragaza ubuhanga buhambaye.

Banega ni umukinnyi ukina mu ikipe y’igihugu ya Malawi ndetse mu mikino iheruka iyi kipe yakinnye mu gushaka itike yo gukina igikombe cy’isi, gushaka itike y’igikombe cy’afurika ndetse n’imikino ya gishuti yabonye iminota yo gukina ingana 962, bivuze ko akina.

Aoron Banega mu kwezi kwa 12 umwaka ushize, yari ahanganiye igihembo cy’umukinnyi mwiza w’uku kwezi.

Ibinyamakuru bya Malawi bivuga ko uyu mukinnyi ikimugira mwiza ngo ni uko ari umukinnyi utangira igitutu ngo bitume atakaza umupira ndetse niyo awufite awutanga neza kandi agira imbaraga iyo ari mu kibuga.

Ikipe ya Rayon Sports ikomeje ibiganiro n’abakinnyi atandukanye mu buryo bw’ibanga. Ubuyobozi buvuga ko bwifuza rutahizamu, umukinnyi wo hagati ndetse n’uwutaha izamu aciye ku ruhande kandi amakuru ahari bose bisa nkaho babonetse igisigaye ni ugusinya.

Ikipe ya Rayon Sports yasoje igice cyibanza cya shampiyona ifite amanota 36 yicaye ku mwanya wa mbere aho ikurikiwe na APR FC ifite amanota 31.