Imodoka yari itwaye amafi iturutse mu gihugu cya Uganda yerekezaga mu mujyi wa Goma ikoreye impanuka ikomeye cyane Nyakiriba.

Mu masaha ya mu gitondo nibwo iyi modoka yari itwaye amafi iyajyanye mu mujyi wa Goma  igeze ahitwa Nyakiriba nibwo yaje kubura feri hanyuma ita umuhanda  ihitana uwari uyitwaye naho uwo barikumwe arakomereka bidakabije bivugwako ari murumuna we kuri ubu akaba yajyanywe ku bitaro.

Amakuru twahawe n’umuvugizi wa police y’uRwanda  mu ntara y’iburengerazuba Rukundo Mucyo yavuzeko iyi mpanuka yiyi modoka yatewe n’umuvuduko ukabije.

Yagize ati “nibyo koko iyi mpanuka yabaye kandi yatewe n’umuvuduko ukabije yari ifite hanyuma ita umuhanda.ikimara kuba umuyobozi wayo yahise ahasiga ubuzima n’aho uwo barikumwe yakomeretse ku kaguru bidakabije kuri ubu yajyanywe ku bitaro.

Aha hantu hitwa Nyakiriba hazwiho guteza impanuka bitewe n’uburyo hamanuka ndetse n’amakoni arimo aribyo uyu muvugizi wa police aheraho asaba abayobozi b’ibinyabiziga kubahiriza amategeko y’umuhanda.

Yagize ati “turasaba abanyarwanda ndetse n’abanyamahanga bakoresha umuhanda kubahiriza amategeko y’umuhanda mu rwego rwo kwirinda impanuka kandi turihanganisha umuryango wabuze uyu muntu birababaje cyane.”