RIB yerekanye Abameni bamaze kwiba miliyoni 420

Urwego rw’igihugu rw’Ubugenzacyaha RIB rufatanyije na Polisi berekanye agatsiko k’abiyise Abameni bagera kuri 45 bamaze kwiba asaga miliyoni 420 z’amafaranga y’u Rwanda.

Aba babajura bakoreshaga amayeri ashukana bakiba abantu kuri Mobile Money aho bakoreraga mu turere dutandukanye tw’igihugu bumwe mu buryo bakoreshaga harimo kohereza ubutumwa bugufi abantu babasaba kohereza amafaranga kuri numero runaka cyangwa bikarangira bahinduye umubare w’Ibanga,kubasaba gukanda imibare runaka cg kubasaba gukanda imimabre runaka bikarangira bahinduye imibare y’ibanga amafaranga bakayatwara.

Umuvugizi wa RIB Dr Murangwa B Thierry yasabye abanyarwanda kugira amakenga igihe babonye ubutumwa cg guhamagarwa kuri telephone basabwa kohereza amafaranga cg kugira ibindi bakora bidasobanutse.

Dr Murangira yagize ati:”nihagira umuntu utazi uguhamagara agusaba gukanda imibare runaka kuri telephone yawe wibikora.”

Yakomeje aburira abishora mu bujura nk’bu ko hamwe n’izindi nzego bafatanyije batazahwema kubakurikirana kugira ngo bahanwe nk’uko amategeko abiteganya.

Ubuyobozi bwa RURA burasaba abakoresha telephone kwirinda gutizanya SIM Card kuko hari ibyaha bishobora gukorerwaho.

Gahungu Charles ushinzwe kugenzura serivisi z’Ikoranabuhanga muri RURA yavuze ko gutiza SIM Card yawe ari ikibazo gikomeye kuko ishobora gukorerwaho ibyaha biri n’ubujura.

Aba bajura berekanwa bafungiye kuri sitasiyo zitandukaye mu gihe dosiye yabo igikorwa.