Perezida Kagame yakiriye Gen Oligui Nguema uyobora Gabon

Perezida wa Repubulika y’u Rwanda Paul Kagame yakiriye mugenzi we wa Gabon Jenerali Brice Clotaire Oligui Nguema baganira ku bijyanye n’inzibacyuho mu gihugu cya Gabon ndetse n’imikoranire hagati y’ibihugu byombi.

Uyu mu Jenerali yarahiriye kuyobora inzibacyuho muri gabon kuwa 4 nzeri 2023 nyuma yo guhirika ubutegetsi bwa Ali Bongo Ondimba kuwa 30 kanama 2023.

Mubyo Perezida Kagame yaganiriye na Gen Brice harimo ibyerekeye inzibacyuho,umutekano ku mugabane wa Afurika no mu karere ka ECCAS ndetse n’ingingo zirebana n’imikoranire hagati y’ibihugu byombi.

Gen Brice uheruka muri DRC ari kugira ingendo mu bihugu bitandukanye cyane ibibarizwa mu muryango w’Ubukungu bw’ibihugu bya Afurika yo Hagati ECCOS aho intego ari ukumvisha abaperezida ko bikwiye ko badashigikira umwanzuro wo gukura Gabon mu muryango.

Gabon yahagaritswe muri ECCOS nyuma y’icyumweru habaye guhirika ubutegetsi,ni imyanzuro yo mu nama idasanzwe y’umuryango yateraniye I Djibloho muri Guinea Equatorial iyobowe na Perezida w’iki gihugu Teodoro Obiang Nguema Mbasogo kuwa 4 Nzeri 2023.