Perezida Tshisekedi yatinye inama i Dar es Salaam, yohereza Minisitiri w’Intebe.

Mu gihe ibibazo bya Repubulika Iharanira Demokarasi ya Congo bikomeje gufata intera, Perezida Félix Tshisekedi yatinye kwitabira inama ikomeye iri guhuza ibihugu bya EAC na SADC igomba kubera i Dar es Salaam.

Iyi nama yari igamije kuganira ku mutekano muke uri mu burasirazuba bwa Congo.

Abasesenguzi bamwe bavuga ko Tshisekedi yagize ubwoba bwo guhura n’abandi bayobozi, ahitamo kohereza Minisitiri w’Intebe nk’umusimbura.

Hari abamunenze bavuga ko yirinda guhangana n’abo atavuga rumwe na bo, nk'uko byagiye bigaragara kuri televiziyo aho abandi bayobozi bashinja guhitamo gukomeza intambara aho gukemura ibibazo binyuze mu biganiro.