Nyir’inzu yahuye n’uruva gusenya ubwo yageragezaga gukuraho urugi rw’umupangayi.

Mu murenge wa Rwezamenyo, Akarere ka Nyarugenge, Akagali ka Kabuguru ya mbere, haravugwa inkuru idasanzwe yateje ubushyamirane,  aho umupangayi yabyuse agasanga urugi rwe rurimo kurandurwa n’umufundi afatanyije na nyir’inzu, intandaro ni ukutishyura.

Ib byabaye saa mbiri za mu gitondo, ku wa Gatatu Tariki ya 23 Ukwakira 2024, aho umugabo witwa IRAKOZE Lameck ukomoka mu karere ka Gasabo, Umurenge wa Kimironko, yakodesheje inzu isanzwe irimo undi muntu bitewe n’uko uyisanzwemo atamwishyura neza.

Muri ayo masaha nyir’inzu yazanye umufundi akuraho urugi banyiri gukodesha (Uwera Afisa) n’umugabo we bari bakiryamye, urugi rwaguye mu nzu umugore asohotse acakirana na nyir’inzu ari nako baterana amagambo kugeza ubwo ubushyamirane bwavuyemo gukomeretsanya.

Nyir’inzu yihutiye kuregera ubuyobozi bw’Akagari ,bumukorera raporo ajya gutanga ikirego kuri RIB ya Rwezamenyo.

Afisa (umupangayi) nawe yagiye mu buyobozi avuga ko umufundi wabasenyeho urugi yabinjiranye aterura amafaranga bari bafite mu nzu asaga ibihumbi mirongo itatu na bitanu.

Umunyamabanga Nshingwabikorwa w’umurenge wa Rwezamenyo, Nirere Marie Rose yaje kwegera ubuyobozi bw’Akagari bahuza impamde zombi zibasha kumvikana.

Imyanzuro yavuyemo nuko, uyu mupangayi yahawe integuza (Priave) y’iminsi irindwi uhereye kuri iyi tatiki, ko iyi minsi izashira agatanga inzu y’abandi.

Ikindi ubuyobozi bwakoze raporo bombi bemeranya ko ntawongera gusagarira undi mu gihe ikirego cyabo kiri mu nzego z’ubugenza cyaha RIB.

Nyiri nzu, arimo kwishyuza uyu mupangayi ubukode bw’amezi 4, naho umupangayi akabihakana avuga ko afite ideni ry’ukwezi kumwe agendeye ku masezerano yagiranye na Irakoze Lameck.

Buri kwezi  hishyurwaga amafaranga angana n’ibihumbi 35,000 Rwf.

Nsengimana Donatien.