Kubera agatama Yaka Mwana  yisanze mu gihome.'

Yaka Mwana wamamaye muri sinema Nyarwanda no ku mbuga nkoranyambaga, yarangije gutabwa muri yombi nyuma yo kunywa inzoga agateza akavuyo.

Gasore Pacifique wamamaye ku izina rya Yaka Mwana yatawe muri yombi kuri uyu wa 31 Ukwakira 2024 ubwo yari yagiye kumva urubanza rwa Miss Muheto Divine na Fatakumavuta.

Ni urubanza rwabereye ku rukiko rw’Ibanze rwa Kicukiro, aho uyu Yaka Mwana yanyweye inzoga agateza akavuyo ku rukiko bigatuma ahita atabwa muri yombi n’inzego z’umutekano.

Urubanza rwa Miss Muheto byarangiye ruzasomwa ku wa 06 Ugushyingo 2024 nyuma yo gusabirwa gufungwa umwaka umwe n’amezi umunani.

Ku ruhande rwa Fatakumavuta, urubanza rwe rwasubitswe bitewe n’uko yagaragaje ko atiteguye kuburana, bituma azaburana ku wa 05 Ugushyingo 2024.