Kigali:Hagiye kubakwa umuturirwa niwo uzaba ariwo wa mbere muremure mu Rwanda

Umuturirwa ugiye kubakwa muri  kigali witwa 'Kigali Green Complex' niwo uzaba ari  muremure mu Rwanda  kuko uzaba  urushya uburebure umuturirwa wa 'Kigali  Financial Square' nawo uri  kubakwa muri kigali.

Kigali Green Complex  igiye  kubakwa n'ikigo 'Ultimate  Lopers Ltd' ahahoze  ikigo  ndangamuco  cy'Abafaransa   ,ikazaba ifite amagorofa 39,harimo 29  yo hejuru,imwe yo  ku butaka  ndetse n'andi atanu  yo hasi   y'ubutaka.

Umuturirwa  wa mbere mu Rwanda ni  Kigali City  Towel ugizwe  n'amagorofa  20, ariko mu gihe Kigali Green Complex na  Kigali  Fiancial Square bizaba byuzuye  izahita  iva kuri  uwo mwanya    kuko Kigali  Fiancial Square nayo iri kubakwa izaba igizwe n'amagorofa 24.

Uyu muturirwa wa Kigali Green Complex nuw'urwego   rw'ubwiteganyirize mu Rwanda RSSB bikaba biteganijwe  ko uzuzura mu mwaka wa 2026.

Kigali Green Complex izaba iri mu miturirwa yambere ku isi irengera ibidukikije kuko uburyo yubatswe  mo  irondereza umuriro,amazi ndetse n'impande zayo zose ziteyeho ibimera.

Uyu muturirwa uzakorerwamo n'ibigo bitandukanye by'ubucuruzi,abikorera ndetse n'inzego za Leta nazo zizabona mo ibiro byiza byo gukorera mo ndetse ikazaba ifite parikingi ishobora kwakira   imidoka 430.

Ntabwo haratangazwa amafaranga azakoreshwa mu kubaka uyu muturirwa ariko biteganijwe ko izaba yuzuye mu gihe cy'imyaka 2.