Imodoka itwara abagenzi yakoze impanuka babiri bajyanwa mu bitaro bya CHUK

Imodoka yari itwaye abagenzi 26 iturutse mu Karere ka Rubavu yerekeza mu mujyi wa Kigali yakoze impanuka igeze mu Karere ka Kamonyi mu Murenge wa Kinyinya abantu babiri barakomereka bahita bajyanwa mu bitaro bya CHUK.

Ni impanuka yabaye ku mugoroba wo ku Cyumweru tariki ya 21 Nyakanga 2024,Umuvugizi wa Polisi ishami rishinzwe umutekano wo mu muhanda Emmnuel Kayigi yatangaje ko iyi mpanuka yabaye ku mugoroba tariki ya 21 Nyakanga bitewe n'umushoferi utaringanije umuvuduko neza.

Ati"Hari harimo abantu 26 bose bahawe ubutabazi bw'ibanze barataha uretse abantu babiri bari mu bitaro bya CHUK kubera gukomereka byoroheje.

Emmnuel Kayigi  yakomeje avuga ko umushoferi yananiwe gukata ikorosi, hanyuma ahita agonga umukingo n'ipoto imodoka igusha urubavu. icyakora ngo Polisi yahise itabara abo bagenzi iza no gukura iyo modoka mu muhanda.

Emmnuel Kayigi yasabye abashoferi kwigengesera mu gihe bari mu muhanda kandi bakirinda gucomora ibyuma bishinzwe kuringaniza umuvuduko w'ikinyabiziga kuko usanga nabyo bitera impanuka mu muhanda.